3burar.com

Hér hefur allt sinn vanagang, ég vakna um 06:00 á hverjum degi til að gefa gullmolunum brjóst og svo á þriggja tíma fresti eftir það.  Síðasta gjöf sem ég tek þátt í er yfirleitt um miðnætti þannig að dagurinn snýst ekki um annað.  Mjólka og borða og dotta inn á milli ef ég hef tíma í það.

Gjafirnar ganga misjafnlega stundum taka þau vel til sopans og stundum ekki, þá þarf að koma mat ofan í þau með sondu sem ég vonast alltaf til að þau fari að losna við.  Sárt fyrir móðurhjartað að horfa á hjúkrunarfræðingana troða sondum ofan í mallakútinn þeirra þegar þau eru ekki nógu dugleg.  Annars voru þau tekin af hitadýnunni í dag og öll sett í sama rúm, hrikalega er sætt að sjá þau öll svona saman í venjulegu rúmi.  Nú er að sjá hvort þau standa sig ekki og haldi líkamshitanum stabílum. 

Við fórum heim í afganga í dag, hrikalega er gott að hafa mömmu og pabba hérna til að stjana við okkur, þessi jól hefðu annars verið upp á spítala að öllu leyti.

Annars stefnum við á að taka myndir af þeim á næstu dögum og skella inn, leyfa ykkur að fylgjast með hvernig þau dafna og braggast. 

Mér sýnist krakkarnir líkjast pabba sínum af því leyti að þau eru sybbinn meira og minna allan sólarhringinn

Jæja þá þurfum við að fara aftur á spítalann, næsta gjöf fer að byrja og ekki getur maður mætt of seint með búbbana. 

Ása og Biggi í draumalandi

Gleðileg jól kæru vinir og ættingjar

Takk fyrir hamingjuóskir og hlýhug s.l daga. 

Af þríburunum er það að frétta að prinsessan er búin að vera laus við súrefni sl 2 daga.  Stóri bróðir sem er minnstur er manna duglegastur að borða.  Ása er komin með reglulegar mjaltir, enn að koma broddur en stefnum á nýmjólk eftir helgi.  Í myndatökunni frá um daginn náðu við ekki almennilegri mynd af skvísunni og látum því slíka mynd fylgja með núna, hún er í þríburafoldernum okkar.

Við Ása fengum að skreppa heim frá spítalanum í kvöldmat.  Ása búin að vera viku, og því feginn að fá ferskt loft og almennilegan mat.  Ása eldri var búin að elda sveppasúpu og lambalæri.  Við erum búin að taka upp pakkana og lesa jólakortin og erum á leið aftur niður á spítala.

Jólakveðja

Birgir Ása og 3 burarnir

Við erum búnir að setja myndir af okkur á netið á slóðina:

http://public.fotki.com/asaein/thriburarnir/ 

Þríburnir vildu ekki koma í heiminn 19 desember.  Fengu til þess í lið með sér yfirlækninn á nýbura/vökudeildinni sem þóttist ekki hafa pláss fyrir þá á deildinni.  Við vitum betur.  Þeir vildu fá lengri tíma inn í bumbunni hjá mömmu sinni, engin ástæða í neinn asa.  Bara búnir að vera 35 vikur + 2 daga þarna og Dr House ekki sýndur fyrr en næsta þriðjudag.

Fengu þó ekki sýnu alveg fram því fæðingarlæknarnir þurftu víst að komast í jólafrí.  Hnífarnir voru brýndir kl 1100 fimmtudaginn 20 desember.  Í heiminn komu kl ca 11.34 stóri bróðir sem samt er minnstur; 1770 gr og heilir 42 cm.  Í kjölfarið 11.35 kom litli bróðir sem samt var stærri rúm 2200 gr og 43.5 cm.  Litla skvísan lét bíða vel eftir sér og kom ekki fyrr en heilum 2 mín seinna, vó rúm 2200 gr og 43.5 cm. 

(more…)

Jæja þetta verður síðasta bloggið mitt fyrir þríburana, ég tékka mig inn á hótel Ríkisspítalann í fyrramálið og þegar ég tékka mig út verð ég 3 börnum ríkari.  Þannig að þeim sem langar að tala við mig meðan á dvöl minni stendur þar verða að hringja í gemsan minn (norska), hlít að mega vera með hann (sem þið finnið á síðunni “um okkur”).  Allavegana blóðprufurnar komu betur út í gær, lifrargildin hjá mér eru þessa stundina rúmlega 100 en ekki 500 þannig að það er +.  Ómun á lifur og öðru dóti á morgun, gangi þeim bara vel að sjá eitthvað annað en börn.

Helgin er búin að vera frábær.  Keyptum jólatré sem við fórum öll og völdum í plantasjen, reyndar misstu karlarnir sig smá í einhverri verkfæradeild þarna meðan að ég og mamma skoðuðum jólaskrautið, þannig að Biggi kom út bara eins og “Bubbi byggir”.  Nú ætti hann heldur betur að geta gert allt hér á heimilinu, já strákurinn er bara orðinn fær í flestan sjó með verkfærakassann í annarri og borvélina í hinni.  Annars er ég bara búin að vera að slappa af, ekki veitir af þar sem að stutt er eftir.

Biggi á að standa sig í blogginu í fjarveru minni, vona að hann geri það betur en að svara emailum! Annars þýðir ekkert að röfla í mér yfir því.  

Jæja ég er farin að pakka í tösku einhverjum nauðsynjavörum eins og sjampó, hárnæring, sloppur, tannbursta, tannkremi og öðrum kremum sem konur geta ekki verið án þegar þær eru á spítala

Bæ bæ  Ása hin margfalda.

Í dag var bara slappað af, gærkvöldið var ansi strembið þannig að ég fékk “Direct order” með þýskum hreim um að hvíla mig heima í dag frá BiggaMon, sem ég og gerði.  Ég var með stanslausan brjóstsviða í ca. 5 tíma og alveg sama hvað ég gerði alltaf byrjaði hann aftur, svo bættust við hressandi magaverkir út af þessu lifrarveseni.  Og á endanum lagðist ég upp í rúmið mitt með 5 kodda undir hausnum til að geta sofið upprétt og með ælufötu við hliðina á mér (sem var ekki notuð). 

Pabbi var að vesenast í rafmagninu í dag og koma því í lag fyrir okkur.  Þessir norsarar vita ekkert í sinn haus hvað varðar rafmagn, það er alveg á tæru. Geinarnar eru svo yfirfullar að það er ekkert eðlilegt.  Það er ekki hægt að hafa þetta og hitt í sambandi í einu þá slær allt út og svo frv.  Og svo var mútta í gardínunum, allir á fullu nema ég ! Þannig að ég tók að mér eldamennskuna um kvöldið og bauð Gumma brósa í mat þar sem að Åse er í Kristjansand um helgina.

Annars heyrði ég í mús í veggnum í gær þannig að músagildrurnar eru komnar aftur upp, spurning hvort að við veiðum eitthvað í þetta skiptið.  Biggi fór niður í kjallara til að ath ástandið þar og það var búið að borða fullt af rottueitri þannig að við erum búin að drepa þær nokkar, en hann sá samt enginn sönnunargögn.  En við teljum víst að þær drepist af þessu eitri, þeim blæðir víst út…….smekklegt!

Á morgun er síðan síðasta blóðprufan eða kannski ekki, því ég á að leggjast inn á spítalann á mánudagsmorgun.  Þá á að óma lifrina og galldótið ef þeir geta fyrir börnum…..hahahha.  Svo er bara Keisari á miðvikudaginn, þá eiga þau að vera tilbúin. 

Annars fyrir ykkur sem fannst síðasta færsla vera ólík mínum, þá var hún gerð af húsbóndanum á heimilinu.  Hann þarf nú að geta látið ykkur vita með gang mála meðan ég verð föst á spítalanum.

Góðar stundir, ég er farin í háttinn…….. 

sjóðheitar papparazzi myndir sem náðust af Ásu 34 vikur 3 dagar eru komnar á netið.  Annars er verðandi 3 bura pabbinn bara búinn að vera í losti sl vikur yfir þessu öllu saman sem koma skal, enda er ég bara fórnarlamb  í þessum leik Ásu, Kidda, Níníar og frjósemisgoðsins.  Nýjustu 3 d sónar myndir sýna að þetta verða allt saman rauðhærðir, freknóttir snillingar.  Búin að ákveða að börnin verða öll skýrð með vinsælum norskum nöfnum.

Kveðja frá Sandvika Stórsenter

Birgir töfratyppi, Ása sur oppstött og el trillos

Fór í morgun fastandi í blóðprufur eins og ég hafði verið beðin um að gera.  Og svo klukkan 11 í morgun átti ég tíma hjá Letting, hún var ekki alveg sátt við niðurstöðurnar úr þessum blóðprufum.  Lifrargildin hjá mér eru komin upp í 500 en þegar ekkert er að þá eiga þau að vera undir 40…..Takk fyrir, þannig að ég á að fara í meiri blóðprufur á laugardaginn ferlega skemmtilegt!  Og svo vill hún láta óma gallblöðruna og lifrina hjá mér, ath hvort að ég sé komin með gallsteina eða eitthvað.  Allavegana þetta lítur ekki nógu vel út þannig að það á að leggja mig inn á mánudaginn kemur.  Ég varð eitthvað rosalega fúl með að það ætti að leggja mig einum degi fyrr, en það skiptir ekki máli einum degi til eða frá.  Ef þetta er eitthvað sem ég þarf að vera á spítala út af þá er best að gera það.

Annars voru 3burarnir í góðu formi, sprækir og fínir og spörkuðu látlaust.  Mældust 2000gr svo er bara að sjá hvað þeir eru nákvæmlega á miðvikudaginn kemur.  Hún var ekkert óhress með stærðina á þeim og sagði að þeir væru bara í fínni stærð fyrir 3bura.  Vona samt að þeir nái einni mörk í viðbót fyrir keisarann þannig að þeir verði 9 merkur, það væri súper!

Jæja ég er farin að leggja mig aðeins er búin að vera á rápi með mömmu og pabba í dag.

Adios í bili

Úffff jæja þá er ég búin að ná miklum áfanga eða 34 vikum.  Eftir 34 vikur þurfa krakkarnir ekki að fá stera sprautu fyrir lungun þeirra, því ef þau skildu fæðast þá eru lungun þeirra orðin það fín að þau geti andað sjálf.  Í dag ligg ég bara heima og hvíli mig, það er búið að vera talsvert ráp á mér og hef ég fundið fyrir því með samdráttum og tilheyrandi á kvöldin og ekki bæta magaverkirnir það (út af þessari hækkun á lifrargildunum ).  Ég kláraði jólagjafirnar í gær og kláraði að pakka inn þannig að jólin geta bara gengið í garð mín vegna :)  Hrikalega var mér létt við að klára þetta.

Annars er skoðun  á morgun, vona að ég þurfi ekki að leggjast inn.  Nenni bara ómögulega að liggja inni þó að það séu bara 7 dagar í að krakkarnir komi….já 7 DAGAR!  Vá ég er sko ekkert tilbúin!  Mér finnst eitthvað svo stutt síðan ég varð ólétt og var að reyna að berjast við að fela kúluna framan á mér sem ég skildi ekki afhverju var svona stór á 7undu viku!  hahahah en ég veit það núna afhverju ég var komin með kúlu þá!  Eftir 7 daga verðum ég og Biggi 3 barna foreldrar….þetta er náttúrulega bara rugl! 

Biggi ætlar að taka nýja mynd af mér í kvöld og svo skellum við henni í sameiningu inn á myndasíðuna, hann þarf jú að kunna þetta svo hann geti sett inn myndir af krökkunum þegar þeir koma.

Annars eru mamma og pabbi að koma í kvöld, það verður ekkert smá ljúft.  Þá verður sko stjanað við rassinn á mér, biggi er nú alveg búin að vera duglegur við það líka.

Jæja þá ætla ég að fara að búa um rúmin fyrir mömmu og pabba þannig að allt sé bara tilbúið fyrir þau þegar þau koma.

Já alveg rétt meðan ég man, heimasíminn okkar er eitthvað bilaður.  Ég er búin að hringja í Hive og þeir eru að kanna hvað sé að og ætla svo að láta mig vita, en ég bíst nú við því að þeir reddi þessu von bráðar.

Jæja þá er ég búin að vera að fara fram og til baka á spítalann í blóðprufur síðan á föstudaginn og hendurnar á mér eru orðnar að gatasigti.  Ég byrjaði að fá mikinn kláða út um allt á miðvikudaginn í síðustu viku og er hann búinn að vera alveg síðan.   Þeir báðu mig um að koma í blóðprufu sem ég og gerði og beið stillt í 3 klukkutíma eftir niðurstöðum, þegar þær voru komnar þá fóru þau að væla um að ég væri ekki fastandi þannig að það væri ekki alveg að marka gallsýru gildin sem ég fékk.  Þannig að þau báðu mig um að koma aftur laugardagsmorgun og þá fastandi, olræt ekkert mál ég gerði það og þegar ég hringdi eftir niðurstöðum var mér sagt að blóðprufan hefði verið tekin í vitlaust glas þannig að hún var ónýt.  Já já hressandi !  Ég mátti því fara aftur fastandi í gær á spítalann og taka nýjar prufur og beið eftir þeim í 4 tíma án þess að það kæmi niðurstaða úr þeim.   Og var þá send heim eftir að hafa beðið í 4 tíma í hörðum tréstól með smá sessu, hrikalega þægilegt að sitja á því.  En allavegana niðurstaða kom að lokum og ég er sem sagt með hækkun á lifrarprófum sem skýrir hressandi hægðir, líkaminn tekur ekki upp fituna í matnum (verður ekki farið nánar út í það hér) og svo hækkun á gallsýru sem skýrir kláðann.  En það á ekkert að gera nema að þetta versni eitthvað, svo verða líka teknar nýjar prufur af mér á fimmtudaginn þegar ég fer í skoðun og þá verður þetta metið betur

Þannig að lífið er ansi skemmtilegt þessa dagana, kláði…..líf og fjör!    

Og bara ein jólagjöf eftir sem ég klára á eftir!

Jæja ég hafði það loksins af í dag að gera 2falda uppskift af sörum, hefði sennilega átt að gera 3falda þar sem að það virðist eiga betur við þessa dagana.  En 2 föld fyllti 6 kökubox þannig að ég held að ég ætti að geta gefið gestum og gangandi nema að Biggi minn verði duglegur að stelast í frystikistuna niðri.  Biggi mátti hjálpa mér með baksturinn þar sem að bakið á mér er ekki alveg að gera góða hluti í dag.  Kúlan er eitthvað farin að taka verulega í því að ég er bara að farast í bakinu, en ég prófaði nýja tækni sem er sitjandi á stól að gera sörur!  Hún dugði þetta árið en ég held að ég muni ekki nota þessa tækni á næsta ári.  

Annars erum við formlega búin að láta allt hverfið vita af því að við erum útlendingar.  Í dag settum við greni á súlu sem er við innganginn hjá okkur og svo á ég hrikalega flotta bláa seríu sem er með svona led ljósum held ég.  Allavegana hún er rosalega skær og hrikalega blá.  En málið með Norðmenn er það að þeir nota ekki litaðar seríur, litaðar seríur er dauðasynd hér.  Þeir eru bara með svona hvítar/glærar ljósaseríur og n.b. þeir skreyta ekki mikið, útlendinar nota bara litaðar seríur.  Þannig að nú veit allt hverfið sem sér seríurna við útidyrahurðina okkar að við erum “Anskotans útlendingar” með þessi fáranlegu ljós sín.  Spurning hvað herra “bomba” sem býr við hliðina á okkur segir við þessu.  Hann er frá pakistan og vinnur heima við að búa til sprengjur(eða það er mín kenning) og heldur ekki jól þar sem að hann er múslimi.  Hann veit ekki hverju hann er að missa af!