3burar.com

Við vorum að fá í póstkassann okkar neitun um leikskólapláss, ferlega hressandi.  Við vorum að vonast til að þau fengju pláss í janúar, en það er samt ekki alveg útséð.  Við förum á biðlista, spurningin er bara hvar lendum við á þessum blessaða biðlista og svo er það alltaf það að við þurfum 3 pláss eða ekkert pláss, það gæti verið verra þegar við erum á biðlista.

Annars voru krakkarnir í skoðun í gær

• Hlini Snær er orðinn 5.835 gr og 60,5 cm
• Birkir Smári er orðinn 5.870 gr og 61 cm
• Karítas Ísold er orðin 5.250 gr og 58 cm

Já þau eru dugleg að stækka og sýna kúnstir enda bara 5 dagar í að þau verði fjagra mánaða….ussss hvað tíminn líður hratt!  Siri hjúkrunarfræðingur sem er alltaf með þau sagði að það væri ekki hægt að sjá á þeim að þau hefðu fæðst fyrir tímann svo dugleg voru þau

Þegar við vorum að fara með krakkana þá fékk amma Brynja smá nasasjón af vinsælum þeirra……hún var margoft spurð hvort að hún ætti þessa þríbura og fór hún öll í flækju og sagðist vera amma þeirra ekki mamma þeirra :) 

Jæja ég ætla að reyna að gera eitthvað hérna meðan krakkarnir sofa úti í vagninum.

Á morgun kemur amma Brynja til okkar, það verður aldeilis fínt að fá hana til að hjálpa okkur.  Strákarnir hafa verið ansi erfiðir í næstum viku að taka pelann og er hver gjöf kvöl og pína fyrir alla að hlusta á öskrin í þeim.  Greyin litlu eru víst farin að skilja eða finna muninn á pela og brjósti.  Vona að strákarnir hræði bara ekki ömmu Brynju

Annars er svo sem ekkert mikið að frétta, lífið er nokkuð taktfast hér.  Annars hringdi DV í mig og tók viðtal við kellu, þannig að þið ættuð að sjá okkur Grinibråten gengið í blaðinu um helgina.  Það er naumast að maður verður vinsæll fyrir að vera frjósamur

Nú er maður í fyrsta sinn að hugsa um garð og þakka ég guði fyrir allan pallinn sem er í kringum húsið mitt, ég er með eitthvað sýnishorn af garði og finnst mér það bara alveg nóg.  Ég er með eplatré, ferskjutré, sólberjatré, rabbabara og svo jarðaber út um allt og svo náttúrulega rósir og svona annað dót.  Það verður fróðlegt að sjá hvernig garðurinn verður í sumar.  Þannig að þessa dagana er ég með garðáhöld í hendinni að hreinsa gömul laufblöð og annað dót meðan að krakkarnir sofa úti í vagninum.  Þannig að þetta gengur hægt eins og annað sem ég er að gera, það er alltaf einhver sem að er vakandi eða eitthvað.

Krakkarnir eiga að fara í 4. mánaða skoðun á mánudaginn, það verður spennandi að sjá hversu mikið krakkarnir hafa stækkað

Jæja við erum farin í háttinn

Fræga Grinibråten gengið 

 Nýjar myndir komnar

 Viti menn þá er komið að því.  9 vikna bið eftir að fá canal + er senn á enda.  Vitna ég í fyrri skrif fyrir þá sem vilja vita nánar um málið.  Hlakka mikið til að sjá hvort uppsetningargaurarnir sem eru undirverktakar hjá canalis minus standi við dagsetninguna.  Ég og Ása erum búin að vera án sjónvarps í 10 vikur.  Ása er hætt að geta tjáð sig á norsku enda ekki útsett fyrir öðru en barnahjali, íslensku frá mér og tékknesk norsku hjá Evu. 

Muhamad í Grinibraten 60 er búinn að hrinda af stað trúarbragðastríði.  Hann hyggst reisa múr út á miðja götu og þar með loka okkur hornfólkið inni.  Hann er líka að breyta garðinum hjá sér og var nánast búin að fjarlægja sólberjaplöntuna hennar Ásu, en Eva hin tékkneska með snarræði kom henni til bjargar, þe plöntunni.  Það alvarlegast í þessu öllu saman á norskan mælikvarða er að Muhamad lét rúmensku farandverkamennina (Eva hin tékkneska fann það út eftir að hafa reynt að tala við á tékknesku, rússnesku, norsku og síðast á ensku) vinna á hvíldardegi, þe sl sunnudag, alheilagur dagur hjá okkur kristna fólkinu.  Maður verður því að spyrja sig, er skollið á trúarstríð.  Á maður að fara teikna myndir af ónefndum dýrlingu múslima með hurðarsprengjum ? Undirhökuskeggið á Muhamad Ali Baba vex nú enn hraðar eftir að byrjaði að vora og fuglarnir fóru að syngja.  Ég og Ása höldum að við höfum séð konuna hans Ali inn í gegnum gluggann núna um daginn.  Það er þá í 3 ja sinn sl 9 mánuði sem við höfum séð hana.  x 1 út úr húsinu þá í öruggri fylgd Ali. 

Verst er þó fyrir blessað fólkið í nr 60 sem eru með garðinn sinn þétt upp að okkar að venjast því á góðviðrisdögum í sumar eigum við Ása og krakkarnir eftir að fækka klæðum eins og íslendingum er einum lagið.  Ég er nýbúinn að fjárfesta í speedo g streng að þessu tilefni.

Já af krökkunum er það helst að frétt;

1. eru farin tala meira og meira við hvort annað
2. karítas ísold er farin að reyna að velta sér
3. birkir smári og hlini snær eru farnir að berjast af meiri hörku  á móti pelanum hjá pabba, mjólkursletturnar úti alla veggi og gólf en lítið í maganum á guttunum
4. eru farin að sofa úti í vagninum upp á litla pallinum okkar á daginn
5. Síðast og ekki síst hugsa þau daglega núna um afa gamla sem liggur mikið slasaður á 12 G LSH brjósholsskurðdeild og vona að hann nái fljótum bata.  Þau vona að það verði ekki langt í að hann komi og skipta á kúkableijum.

kær kveðja

Grinibråten 58 gengið